Reykjavíkurmeistarar

Signý og Þórdís urðu um helgina Reykjavíkurmeistarar í köfubolta ásamt félögum sínum í KR.
Lið Signýjar sigraði í C-deild Minnibolta stráka á laugardaginn og lið Þórdísar í 7. flokki stúlkna á sunnudaginn.
Áður hafði Signý unnið til silfurverðlauna í Minnibolta stúlkna B-deild (þau verðlaun hafa hins vegar einhverra hluta vegna ekki borist verðlaunahöfunum).
Þórdís keppir svo í Reykjavíkurmótinu í Minnibolta stúlkna A-deild 10. febrúar.

Signý ásamt félögum sínum í 9 ára liðinu með gullverðlaun og bikar.
Myndina tók Jónas Snæbjörnsson

Þórdís með gullverðlaun og bikar
Myndina tók Ágúst Hrafnkelsson

Núna helgina 27.-28. janúar verður fjölskyldan svo stödd í Smáranum í Kópavogi þar sem allir krakkarnir verða að keppa á KEA-skyrmóti Breiðabliks. Í lok febrúar er svo þriðja umferðin í Íslandsmótinu þannig að það er nóg framundan hjá systkinunum í sportinu og foreldrunum í klappliðinu.

Signý dregur björg í bú

Það kom að því að þetta körfuboltabrölt barnanna myndi skila einhverju ...
http://www.kr.is/karfa/frettir/?cat_id=16500&ew_0_a_id=257981

Myndina tók Stefán Helgi Valsson

(tekið af heimasíðu KR www.kr.is/karfa)

Á síðunni er líka frétt frá Reykjavíkurmótinu um síðustu helgi þar sem 9 ára stelpurnar kepptu við Fjölni og stóðu sig mjög vel.

www.kr.is/karfa/frettir/?ew_news_onlyarea=content1&ew_news_onlyposition=0&cat_id=17408&ew_0_a_id=256993

Gleðilegt ár

Og takk fyrir það gamla.

Áramótin

Mennirnir sem sáu um mat og drykk kátir í eldhúsinuBeðið eftir matnumForrétturinn kominn á borðið

Feðgarnir að fara að borða skinku og melónuforréttinn - kokkurinn þreytulegurMmmmmmm - ekkert smá girnileg appelsínuönd ..... Eftir matinn var farið út að sprengja

Aðventukransinn

Nonni gafst ekki upp fyrr en hann fann myndina af snjúkúluþemaaðventukransi Grandavegarins.
Vessogú - hérna er hún.

Tombóla til styrktar SOS barnaþorpunum

Í upphafi jólafrísins héldu systkinin ásamt Salvöru vinkonu Signýjar og Magnúsi vini Ólafs Þorra "tombólu" úti á Eiðistorgi þar sem þau seldu ýmsa dýrgripi til styrktar SOS barnaþorpunum. Fyrst fóru þau í göngutúr um hverfið og bönkuðu upp á hjá nágrönnunum til að safna dóti og myndin er tekin þegar dótið var flokkað og því raðað í kassa í kjallaranum okkar áður en þau fóru að selja.
Það gekk rosalega vel að selja en samt voru það ennþá fleiri sem styktu málefnið án þess að þurfa að taka með sér eitthvert dót heim. Við fórum svo fyrir jól og afhentum peningana (12 þús. krónur að mig minnir) á skrifstofu SOS og fengu krakkarnir jólasveinahúfur og jólamerkimiða fyrir dugnaðinn.

Jólakötturinn

Gleðileg jól

Undirbúningur jólanna á Grandaveginum

Húsmóðirin klippti niður greni og vafði því um hálmhring. Systkinin skreyttu svo herlegheitin í kringum þemað "snjór". Allt voða "pro". Skil ekki af hverju aldrei var tekin mynd af afrakstrinum - snjókúluaðventukransinum.......

Svo heimsóttu systkinin úr Hrísrimanum okkur og hjálpuðu til við piparkökuskreytingar. Það var líka mjög listrænt.

Okkur hafði borist sms með "tips" frá ráðagóða vinnufélaganum um að eyrnapinnar væru algjörlega málið í piparkökumálun.

Útvegsspilið

Signýju og Ólafi Þorra finnst mjög gaman að spila Útvegsspilið þegar við förum í sveitina. Þórbergur er líka stundum fáanlegur til að vera með.

hæhæ

Ég var á badmintonæfingu áðan:) það var svakalega gaman eins og vanalega.
Ég og Kristín keptum við tvær stelpur og við unnum;) (svaka montin)
Það er allt fína að frétta hjá Ronju litlu og Trítlu flóni :o)
Og svo auðvitað líka þá segi ég bara allt fínasta!

k.v. Þórdís Ólöf

Vinkonurnar Þórdís og Trítla

Hérna finnst Trítlu gott að kúra og fela sig

En Ronja er búin að finna sinn uppáhaldsstað - uppi í skólatöskuhillu ofaná Bangsa

Trítla fylgist vel með Ronju innan úr húsinu sínu

Svo spjalla þær svolítið saman

En þegar hamagangurinn í Ronju verður of mikill er gott að geta farið aftur inn, Ronja nefninlega þorir ekki að fara í heimsókn, bankar bara, en þegar Trítla kemur til dyra skýst Ronja aftur upp á þak

Fyrsti dagurinn á Grandaveginum. Ronja fyrirsæta

Fyrstu kynni þeirra Trítlu og Ronju

Ronja 6 eða 7 vikna á Torfastöðum

Dýralífið á Grandaveginum

Fyrstu fréttirnar af okkur í þessu fína húsi á Grandaveginum.

Fórum í hópferð til dýralæknisins í gær; ég, börnin þrjú, Trítla og Kisa sem þá var nafnlaus. Dýralæknirinn var snögg að kyngreina kisu og eftir að heim var komið hofst langt og erfitt ferli við nafnaleit á dömuna. Fyrst var stungið upp á einum 30 nöfnum og svo fengu allir að gefa einhverjum fimm nöfnum stig frá 1 upp í 5. Eftir það voru stigin lögð saman og fimm vinsælustu nöfnin valin. Þeim voru svo gefin stig frá 1 upp í 3 og að lokum var nafnið Ronja valið.

Ætla að reyna að setja inn nokkrar myndir.

Signý og Petrov - kisinn sem við fengum hjá rússneska sjómanninum.